Sangameshwar College ( Autonomous) ,Solapur

संगमेश्वर कॉलेजमध्ये कायदेविषयक जनजागृती कार्यक्रम सोलापूर, दि. १६ ऑक्टोबर २०२६ :जिल्हा विधी सेवा प्राधिकरण, सोलापूर यांच्या वतीने, माननीय महाराष्ट्र राज्य विधी सेवा प्राधिकरण, मुंबई यांच्या निर्देशानुसार ‘सुरक्षित बचपन अभियान’ अंतर्गत ‘जागर नारीशक्तीचा : तीचे विधिकवच’ या संकल्पनेतून कायदेविषयक जनजागृती कार्यक्रमाचे आयोजन शुक्रवार, दि. १६ ऑक्टोबर रोजी सकाळी ११.३० वाजता संगमेश्वर महाविद्यालय (कनिष्ठ विभाग), सोलापूर येथे करण्यात आले. बालकांचे लैंगिक अत्याचारांपासून संरक्षण अधिनियम (POCSO), २०१२, अंमली पदार्थांच्या सेवनाचे दुष्परिणाम, संबंधित कायदे आणि मुलींचे स्वसंरक्षण या विषयांवर विद्यार्थिनींना मार्गदर्शन करण्यात आले. कार्यक्रमाला प्रमुख उपस्थिती म्हणून जिल्हा विधी सेवा प्राधिकरण, सोलापूरचे सचिव तथा न्यायाधीश मा. अमोलकुमार अ. देशपांडे उपस्थित होते. त्यांनी जिल्हा विधी सेवा प्राधिकरणाची कार्यपद्धती, नागरिकांना उपलब्ध असणाऱ्या मोफत विधी सेवा आणि कायदेशीर मदतीविषयी सविस्तर माहिती दिली. अन्याय किंवा अत्याचाराला बळी पडलेल्या मुलींनी भीती न बाळगता पुढे येऊन कायदेशीर मदत घ्यावी, असे आवाहन त्...

 NCC कॅडेट्सनी घेतले आपत्कालीन परिस्थितीतील बचावकार्याचे धडे सोलापूर, दि. २४ सप्टेंबर २०२६ : संगमेश्वर कॉलेज, सोलापूर येथे आज आपत्ती व्यवस्थापनाबाबत विविध प्रात्यक्षिकांचे आयोजन करण्यात आले. संगमेश्वर कॉलेजच्या NCC विभागाच्या वतीने आयोजित करण्यात आलेल्या या उपक्रमातून विद्यार्थ्यांना आपत्तीच्या काळात करावयाच्या उपाययोजना, बचावकार्य आणि प्रथमोपचार याबाबत प्रत्यक्ष प्रशिक्षण देण्यात आले. या कार्यक्रमामध्ये सीआयएसएफ चे अग्निशामन दलाचे इन्स्पेक्टर ए के मती , हेडकॉन्स्टेबल मयूर पाटील व कॉन्स्टेबल वाघ यांनी उपस्थित राहून विविध आपत्ती व्यवस्थापन व अग्निसुरक्षेची प्रात्यक्षिके करून दाखवली. आपत्ती व्यवस्थापन प्रशिक्षणाचा मुख्य उद्देश विद्यार्थ्यांमध्ये आपत्कालीन परिस्थितीचा सामना करण्याची क्षमता, प्रसंगावधान, शिस्त, नेतृत्वगुण आणि सामाजिक जबाबदारीची भावना निर्माण करणे हा होता. विविध नैसर्गिक व मानवनिर्मित आपत्तींच्या प्रसंगी स्वतःचा बचाव करण्याबरोबरच इतरांना मदत कशी करावी, याचे प्रात्यक्षिकाद्वारे मार्गदर्शन करण्यात आले. या वेळी आगीच्या दुर्घटनेच्या प्रसंगी घ्यावयाची काळजी, बचावकार्य, प्रथम...

 अडचणींना संधी मानून यशाचा मार्ग शोधा संगमेश्वरमधील कार्यक्रमात जाधव यांचा विद्यार्थ्यांना संदेश संचार प्रतिनिधी सोलापूर, दि. ४-सोलापूर, दि. ४- कोणतेही काम छोटे किंवा मोठे नसते. कोणतेही काम करण्यास कमीपणा न मानता प्रामाणिकपणे कष्ट करण्याची तयारी ठेवली, तर निश्चितच यश मिळते. जीवनात अडचणी आल्या तरी डगमगून न जाता त्याकडे संधी म्हणून पाहून यशाचा मार्ग शोधला पाहिजे, असा प्रेरणादायी संदेश जकराया शुगरचे चेअरमन तथा जिल्हा परिषद सदस्य सचिन जाधव यांनी विद्यार्थ्यांना दिला. संगमेश्वर स्वायत्त महाविद्यालयातील अल्कोहोल टेक्नॉलॉजी अभ्यासक्रमाच्या तृतीय बॅचच्या प्रमाणपत्र वितरण समारंभात विद्यार्थ्यांना मार्गदर्शन करताना ते बोलत होते. कार्यक्रमाच्या अध्यक्षस्थानी श्री संगमेश्वर शिक्षण संस्थेचे चेअरमन धर्मराज काडादी होते.  जाधव म्हणाले, उद्योग क्षेत्राच्या गरजा आणि विद्यार्थ्यांना मिळणारे पारंपरिक ज्ञान यातील तफावत दूर करणे आवश्यक आहे. विद्यार्थ्यांनी उद्योगाच्या गरजा समजून घेत तांत्रिक कौशल्ये, व्यावहारिक ज्ञान आणि प्रत्यक्ष कामाचा अनुभव आत्मसात करावा. शुगर व डिस्टिलरी उद्योगातील सद्यःस्थिती,...

पारनेरचा आकाश प्रथम तर कोल्हापूरचा यश द्वितीय  सोलापूर दिनांक १५ - दैनिक संचार प्रबोधन मंच, कर्मयोगी कै. अप्पासाहेब काडादी नागरी सहकारी पतसंस्था आणि संगमेश्वर कॉलेज ( स्वायत्त ) यांच्या संयुक्त विद्यमाने आयोजित कर्मयोगी कै.अप्पासाहेब काडादी यांच्या  ११७ व्या जयंतीनिमित्त राज्यस्तरीय आंतरमहाविद्यालयीन वक्तृत्व स्पर्धा २०२६ मध्ये  पारनेर जिल्हा अहमदनगर इथला आकाश दत्तात्रय मोहिते (न्यू आर्ट्स कॉमर्स अँड सायन्स कॉलेज पारनेर, अहिल्यानगर ) हा प्रथम आला.तर  संकेत कृष्णा पाटील (न्यू कॉलेज कोल्हापूर ) द्वितीय आला. तृतीय क्रमांक पंडित दीनदयाल उपाध्याय कॉलेजची स्नेहल जोशी हिने पटकावला.उत्तेजनार्थ पुरस्कार  सानवी बिपिन वाळवेकर    ( श्राविका ज्युनियर कॉलेज, सोलापूर) सृष्टी चंद्रकांत सगरे ( वालचंद कॉलेज ऑफ आर्ट्स अँड सायन्स ) यांनी पटकावला.                 प्र.प्राचार्य प्रा.डॉ.ऋतुराज बुवा यांच्या हस्ते विजेत्या स्पर्धकांना रोख रक्कम प्रमाणपत्र देऊन गौरवण्यात आले.पुरस्काराचे स्वरूप प्रथम क्रमांक - ५००१ रुपये,द्वितीय क्रमा...

संगमेश्वरमध्ये राज्यस्तरीय आंतरमहाविद्यालयीन वक्तृत्व स्पर्धा  सोलापूर प्रतिनिधी, दिनांक  १५ - उत्तम वक्ता घडण्यासाठी केवळ अभ्यास पुरेसा नसतो; त्या ज्ञानाला प्रभावी संवादाची जोड मिळणे आवश्यक असते. जगप्रसिद्ध संशोधक निकोला टेस्ला यांनी आपल्या वैज्ञानिक विचारांची प्रभावी मांडणी करून जगाला नवे तंत्रज्ञान समजावून सांगितले. त्यामागची प्रेरणा स्वामी विवेकानंदांची होती. स्वामी विवेकानंदांनी शिकागोच्या धर्मपरिषदेत प्रभावी संवादातून भारतीय संस्कृतीची महानता जगासमोर मांडली.तसेच डॉ. ए. पी. जे. अब्दुल कलाम यांनी ज्ञान, अनुभव आणि संवादकौशल्याच्या बळावर लाखो विद्यार्थ्यांना प्रेरणा दिली. त्यामुळे अभ्यासातून विचारसमृद्धी आणि संवादातून विचारांची प्रभावी अभिव्यक्ती होते. या दोन्हींच्या संगमातूनच आत्मविश्वासू आणि उत्तम वक्ता घडतो.परिणामी अभ्यासासोबत प्रभावी संवादातून उत्तम वक्तृत्व घडते. असे प्रतिपादन दैनिक सकाळचे सहयोगी संपादक सिद्धाराम पाटील यांनी केले. संगमेश्वर कॉलेजमध्ये कर्मयोगी अप्पासाहेब काडादी यांच्या ११७ व्या जयंतीनिमित्त आयोजित राज्यस्तरीय आंतर महाविद्यालयीन वक्तृत्व स्पर्धेच्या उद्घ...

संगमेश्वरमध्ये एकदिवसीय राज्यस्तरीय मराठी कार्यशाळा संपन्न, १३६ सहभागी  सोलापूर : २१ सप्टेंबर २०२६. कला या मानवी प्रतिभेचा आविष्कार असतात. त्यातून जीवनात आनंद निर्माण होतो. माणसाने भाषा घडवली. एकमेकांशी संवाद साधला. परंतु भाषा अस्तित्वात येण्याअगोदर मानव आपल्या कलेचा आविष्कार रंग, रेषा व विविध रेखाटनांच्या माध्यमातून करू लागला. हा त्याचा आत्माविष्कार होता. त्यामुळे कोणतीही कला उपजत नसते. ती शिकावी लागते. ती  प्रयत्न करून अर्जित करावी लागते. म्हणून उत्तम संवाद व लेखन या कलासुद्धा अभ्यास, सराव करून आत्मसात कराव्या लागतील असे विचार पुण्यश्लोक आहिल्यादेवी होळकर सोलापूर विद्यापीठाच्या मानव विज्ञान विद्याशाखेचे अधिष्ठाता व भाषा व वाङमय संकुलाचे प्रभारी संचालक डॉ. महेश खरात यांनी व्यक्त केले. संगमेश्वर महाविद्यालयातील मराठी विभागाच्या वतीने ‘मराठी संवाद आणि लेखन कौशल्ये’ या विषयावरील एकदिवसीय राज्यस्तरीय कार्यशाळेच्या उद्घाटन प्रसंगी ते बोलत होते. कार्यक्रमाच्या अध्यक्षस्थानी प्रभारी प्राचार्य डॉ. ऋतुराज बुवा यांची तर कला विभागाचे उपप्राचार्य डॉ. राजकुमार मोहरकर यांची प्रमुख उपस्थिती...