Sangameshwar College ( Autonomous) ,Solapur

संगमेश्वरमध्ये उद्योजकता विकासावर वाणिज्य शाखेत मार्गदर्शन  '' वाणिज्य क्षेत्रातील ज्ञान घेताना आपण सेवा क्षेत्रातील नाविन्यपूर्ण उद्योगांचा अभ्यास केला, व्यवसायाला सचोटीची जोड दिली, तर सेवा क्षेत्रात उत्तम उद्योग उभारता येईल.  सेवा क्षेत्रातील नवनवीन उद्योग सेवा व्यवसायांची निवड करा'' असे प्रतिपादन राजशेखर शिंदे यांनी केलं. ते 'माझं करियर' अंतर्गत उद्योजकता विकास या विषयावरील मार्गदर्शन कार्यक्रमात बोलत होते. मंचावर पर्यवेक्षक मल्लिनाथ साखरे, वाणिज्य विभाग प्रमुख बसय्य्या हणमगाव उपस्थित होते.  प्रारंभी पर्यवेक्षक मल्लिनाथ साखरे यांनी या कार्यक्रमाचे प्रास्ताविक केले. त्यात त्यांनी  महाविद्यालयीन जीवनातील शिक्षणाबरोबरच उद्योग विश्वातील घडामोडींचा अभ्यास महत्त्वाचा असल्याच सांगितलं. त्यानंतर मार्गदर्शकांचा कॉलेजच्या वतीने सत्कार झाला. याप्रसंगी मार्गदर्शन करताना शिंदे यांनी सोलापुरातील शून्यातून उद्योगविश्वात भरारी मारणाऱ्या अनेक यशस्वी तरुणांची यशोगाथा सांगत महाराष्ट्र उद्योजकता विकास केंद्रामार्फत उद्योग व्यवसायासाठी कसे सहकार्य केले जाते याबद्दल विवेचन केले.  ...

  संगमेश्वरमध्ये मराठी वाङ्मय  मंडळाचे उद्घाटन सोलापूर दिनांक ६  भाषा ही मानवी जीवनातील महत्त्वाचे संवादसाधन आहे. भाषेच्या माध्यमातून व्यक्ती दुसऱ्या व्यक्तीशी बोलत असतो. आपल्या मनातील भावना व्यक्त करत असतो. बोलणे आणि लिहिणे ही भाषेची महत्त्वाची कार्ये आहेत. यातील लेखन ही कला असून लिपीच्या माध्यमातून ती साध्य् होत असते. सर्जनशील लेखनासाठी अंत: करणात प्रेरणा निर्माण व्हायला हवी. वाचनातून लेखनाचे संस्कार होता. लिहिण्याची उर्जा मिळते. इतरांच्या साहित्याचे वाचन केल्याशिवाय चांगले लिहिता येत नाही. परंतु त्याचे अनुकरण करण्यापेक्षा विद्यार्थ्यांनी अंत:प्रेरणेतून लेखन करावे. असे विचार ज्येष्ठ पत्रकार व लेखक रजनीश जोशी यांनी मांडले. संगमेश्वर कॉलेजमधील मराठी विभागाच्या वतीने शैक्षणिक वर्ष २०२३- २०२४ मधील मराठी वाङ्‌मय मंडळाच्या उद्घाटन प्रसंगी ते बोलत होते. कार्यक्रमाच्या अध्यक्षस्थानी कला शाखेचे उपप्राचार्य व मराठी विभागप्रमुख सुहास पुजारी होते. जोशी यांनी विद्यार्थ्यांना भाषा, साहित्य्‌, समाज आणि संस्कृती विषयी मार्गदर्शन करताना मराठी भाषेचा अभिजातपणा सांगितला. सोलापूरजवळील कुडल...

सायबर गुन्हे जागरूक ते विषयी   पोलिसांनी साधला   तरुणांशी संवाद  सोलापूर शहर प्रतिनिधी  ''इंटरनेटच्या आभासी जगाला भौगोलिक, आर्थिक, सामाजिक असे कोणत्याही प्रकारचे बंधने नाहीत. हे आपण सारेच अनुभवतो आहोत. मात्र  पालक, घरातील प्रौढ व्यक्ती यांनाच 'ऑनलाइन' धोक्यांची व्याप्ती आणि तीव्रता याची जाणीव नसल्याने लहान मुले, विद्यार्थी  सहजपणे ऑनलाइन धोक्यांना बळी पडतात. सायबर सुरक्षा या विषयाबाबत काम करताना संपर्कात आलेल्या केसेस आणि अनुभवांवरून ऑनलाइनच्या आभासी जगातील सायबर धोके समोर आणून त्याची माहिती करून देण्याचे काम पोलिसांनी केले आहे.पालकांना,   घरातील प्रौढ व्यक्तींना सर्वांत आधी ऑनलाइन धोक्यांची जाणीव करून द्या  आणि त्यापासून बचाव कसा करायचा हे शिकवणे ही आता काळाची गरज बनली आहे.'' असे मत कॉलेजेचे माजी विद्यार्थी मा.एस.एस.गजा ( पोलीस निरीक्षक, सायबर गुन्हे शाखा )  यांनी मांडले. संगणक विज्ञान विभागाने सायबर गुन्हे जागरूकता विषयी अतिथी व्याख्यान आयोजित केले होते त्या प्रसंगी ते बोलत होते. यावेळी मंचावर  ए.ए.नळेगावकर (सहायक पोलीस ...

पर्यटन क्षेत्राला बळकटी मिळावी या उद्देशाने २७ सप्टेबर हा दिवस जागतिक पर्यटन दिन म्हणून साजरा केला जातो. जगभर पर्यटन विकास अत्यंत वेगाने होत असून लोकांना मिळणाऱ्या सुट्यांच्या काळात वाढ झाली असून आर्थिक आवकही वाढत आहे. शिक्षण, निवास व्यवस्था व वाहतूक सुलभ झाल्याने पर्यटन विकासाला अमर्याद संधी आहे असे विचार इको फ्रेंडली क्लबचे संस्थापक परशुराम कोकणे यांनी मांडले. संगमेश्वर कॉलेजमध्ये भूगोल विभागाच्या वतीने जागतिक पर्यटन दिनाचे आयोजन करण्यात आले होते. या प्रसंगी कोकणे बोलत होते. कार्यक्रमाच्या अध्यक्षस्थानी भूगोल विभागप्रमुख डॉ. राजकुमार मोहरकर होते.  पुढे कोकणे म्हणाले की,'' प्रत्येकाने किमान १० गडकिल्ले सर करावे. पर्यटन करत असताना ते पर्यावरण पूरक असावे. पर्यटनात स्थानिक लोकांना व त्यांच्या सेवांना महत्व द्यावे. सोलापूर जिल्हा हा देखील अनेक पर्यटन स्थळांनी समृद्ध असून त्याचा प्रचार आणि प्रसार होणे गरजेचे आहे. पर्यटनाच्या माध्यमातून सोलापूरात उत्पादित होणारे चादर, टॉवेल, कडक भाकरी, शेंगा चटणी या उत्पादनाचा प्रचार व प्रसार करून रोजगाराच्या संधी उपलब्ध करता येतात.'' कायर्क...

  सोलापूर ( शहर संचार प्रतिनिधी ) ऑल इंडिया कौन्सिल फॉर रोबोटिक्स अँड ऑटोमेशन दिल्ली यांच्या मार्फत  संगमेश्वर कॉलेजमध्ये  ( AICRA ) पहिल्या रोबोटीक सेंटरची सुरुवात झालीय. श्री संगमेश्वर एज्युकेशन सोसायटीचे संस्थापक कर्मयोगी कै.अप्पासाहेब काडादी यांच्या जयंतिनिमित्त संस्थेचे सचिव  धर्मराज काडादी साहेब यांच्या हस्ते स्किल सेंटरचे उदघाटन इलेक्ट्रॉनिक्स विभागात झाले. याप्रसंगी  श्री संगमेश्वर एज्युकेशन सोसायटीचे सचिव धर्मराज काडादी , प्राचार्य डॉ.राजेंद्र देसाई , Suvi Instrument कंपनीचे  सोलापूर जिल्ह्याचे प्रमुख डॉ.एस.एम. तोडकरी , शैक्षणिक सल्लागार विभागाचे प्रा. डॉ. प्रमोद दर्गोपाटील , भौतिकशास्त्र विभाग प्रमुख डॉ. शुभांगी साळुंके , उपप्राचार्य प्रसाद कुंटेआदी मान्यवर उपस्थित होते.   AICRA ही एक केंद्रशासनाची रोबोटीक संदर्भात सर्व भारतातील शाळा , महाविदयालयामध्ये स्कील कोर्सेस राबवणारी संस्था आहे. तसेच या AICRA संस्थेमार्फत Suvi -Instrument होडगी रोड यांना रोबोटीक ॲन्ड ॲटोमेशन प्रशिक्षण देण्याकरीता सोलापूर जिल्हयासाठी प्रतिनिधी म्हणून नेमले आहे. या प्...

हिंदी दिवसानिमित्त डिजिटल पत्रिकेचे उद्घाटन सोलापूर ( दैनिक संचार प्रतिनिधी ) '' हिंदी भाषा आज जगामध्ये तिसऱ्या क्रमांकाची भाषा आहे. दिवसेंदिवस जागतिक स्तरावर हिंदीचे महत्त्व वाढत आहे. ज्याप्रमाणे रोजगाराचे क्षेत्र विस्तारात आहे. त्याप्रमाणे ज्ञान, विज्ञानाबरोबर रोजगाराची भाषा म्हणून हिंदीचे महत्त्व अधोरेखित करता येईल. आज विज्ञान - तंत्रज्ञान, सरकारी कार्यालय, पत्रकारिता, फिल्म, उद्योग, जाहिरात, लेखन क्षेत्र,पर्यटन, टीव्ही पर्यंत वेगवेगळ्या माध्यमातून हिंदी भाषा वापरली जाते. सिनेमापासून साहित्यपर्यंत, मोबाईल, व्हाट्सअप, फेसबुक, इंस्टाग्राम, वेब पोर्टल, अशा अत्याधुनिक दळणवळण विभागात हिंदी प्रभावी ठरते आहे. या विभागांमध्ये देखील वैविध्यपूर्ण रोजगाराच्या संधी आहेत. हिंदी ही रोजगाराची भाषा बनली आहे. दूरदर्शनवरील हिंदीचे स्थान दिवसेंदिवस ठळक होत आहे. त्यामुळे महाविद्यालयांचे त्यामुळे महाविद्यालयीन जीवनामध्ये युवकांनी हिंदी भाषा शिकण्यासाठी मनोभावे प्रयत्न केले पाहिजे. भारतीय स्वातंत्र्यापासून ते वर्तमानात राष्ट्रीय ऐक्याची मोट बांधणारी हिंदी भाषा एकविसाव्या शतकात नवनि...

 '' गणपती बाप्पा मोरया पुढच्या वर्षी लवकर या ''  या निनादात  संगमेश्वर पब्लिक स्कूलच्या गणपती बाप्पांना  भावपूर्ण निरोप देण्यात आला. यामध्ये शाळेतले विद्यार्थी उत्साहाने सहभागी झाले होते. सात दिवसांच्या विविध उपक्रमातून  वैविध्यपूर्ण स्पर्धा  घेण्यात आल्या.  या गणेशोत्सवाचे सांगता  बाप्पांच्या  विसर्जन मिरवणुकीने झाली.भारतीय संस्कृती व परंपरा यांची जपवणूक करणे व हस्तां तर करणे याचा ध्यास मनी ठेवून संगमेश्वर पब्लिक स्कूल नेहमी शाळेमध्ये वेगवेगळे उपक्रम राबवत असते. सालाबाद प्रमाणे शाळेमध्ये गणपतीची प्रतिष्ठापना उत्साहात करण्यात आली होती.  पारंपारिक वेशभूषेत विद्यार्थिनींच्या  लेझीम पथकाने  या मिरवणुकीमध्ये उत्साही रंग भरले. या सादरीकरणासाठी शाळेचे नृत्य शिक्षक हरीश पुठ्ठा यांचे मार्गदर्शन विद्यार्थ्यांना लाभले. ढोल ताशांच्या निनादात  संगमेश्वर पब्लिक स्कूल ची मिरवणूक सात रस्ता, कामत चौक ,एम्प्लॉयमेंट चौक, हुतात्मा चौक, मार्गे सिद्धेश्वर तलाव इथे पोहचली.विधिवत गणपती बाप्पाचे विसर्जन करण्यात आले. याप्रसंगी शाळेचे संस्थापक धर्म...