पालकांचे आचरण हे मुलांसाठी अनुकरणीय असते - डॉ.गुरुराज करजगी

    ' पालकत्व एक कला ' या विषयावर व्याख्यान

               सोलापूर ( दिनांक २७ )

 '' पालक हे मुलांचे आदर्श असतात त्यामुळे पालकांचे  आचरण हे मुलांसाठी अनुकरणीय असते. असे प्रतिपादन ॲकॅडमी फोर क्रिएटिव्ह टीचिंग बंगळूरूचे चेअरमन डॉ. गुरुराज करजगी यांनी केलं. सोमवारी कर्मयोगी अप्पासाहेब काडादी यांच्या पुण्यतिथीनिमित्त  अप्पासाहेब काडादी प्रबोधन मंच यांच्यावतीने संगमेश्वर महाविद्यालयाच्या प्रांगणात डॉ.गुरुराज करजगी  यांचे ' पालकत्व एक कला ' या विषयावर व्याख्यान झाले. प्रारंभी मान्यवरांच्या हस्ते कर्मयोगी अप्पासाहेबांच्या प्रतिमेचे पूजन करण्यात आले.


यावेळी बोलताना श्री संगमेश्वर एज्युकेशन सोसायटीचे सचिव धर्मराज काडादी यांनी शिक्षणाची गरज ओळखून कर्मयोगी अप्पासाहेबांनी शैक्षणिक संस्था उभारल्या स्वतःच्या कृतीद्वारे मुलांना शिस्तीचे स्वावलंबनाचे धडे दिले. असे सांगून सोलापुरातील पालकांशी हितगुज साधण्यासाठी या व्याख्यानाचे आयोजन केले असल्याचं त्यांनी सांगितलं. 

आपल्या व्याख्यानात डॉ. करजगी यांनी अति काळजी करणारा पालक वर्ग, निष्काळजी पालक वर्ग, आणि कडक शिस्तीचा पालक वर्ग या तीन मुद्द्यांवर मार्गदर्शन केले. ते म्हणाले काही पालक न मागता अनेक सुखवस्तू देतात, पण वस्तूंचे मूल्य न कळाल्याने नातेसंबंधाचे महत्त्व ही मुले विसरतात. सुजाण पालक होण्यासाठी मुलांचे बोलणे लक्षपूर्वक ऐका. मुलांच्या भावना व्यवस्थितपणे हाताळा.त्यांच्यासाठी कुटुंबासाठी वेळ काढा. आपल्या बालपणीचे प्रसंग त्यांना सांगून बोलते करा. मुलांसमोर नकारात्मक न बोलता त्यांना चांगल्या कामासाठी प्रेरणा द्या. दुसऱ्या मुलांची आपल्या मुलांशी तुलना न करता त्यांना पाठिंबा द्या. अशा टिप्स त्यांनी उपस्थित पालकांना दिल्या.

 व्याख्यानानंतर पालकांना पालकांनी उपस्थित केलेल्या शंकांचे निरसनही डॉक्टर करजगी यांनी केले. प्रास्ताविक प्राचार्य राजेंद्र देसाई यांनी केले. पाहुण्यांचे परिचय शुभांगी गावंडे यांनी करून दिला सूत्रसंचालन पुष्पांजली मैत्री आणि संतोष पवार यांनी केले. कार्यक्रमास प्रा.केशव शिंदे, माजी प्राचार्य नरेश बदनोरे विधिदनी रा. गो. मेत्रस, पुष्पराज काडादी, ज्योती काडादी, शितल काडादी, तेजश्री काडादी, विश्वनाथ बऱ्हाणपुरे, गंगाधर कुमठेकर, भीमाशंकर पटणे, गुरुराज माळगे, ऍडव्होकेट आर. एस. पाटील, प्रा.डॉ. राजशेखर येळीकर,  मल्लिकार्जुन कळके, सी.बी. नाडगौडा ,यांच्यासह सिद्धेश्वर देवस्थान शिक्षण संकुल, संगमेश्वर शिक्षण संकुल, सिद्धेश्वर सहकारी साखर कारखाना शिक्षण संकुलातील मुख्याध्यापक , शिक्षक , पालक आदी उपस्थित होते.

 

 


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

विद्यार्थ्यांनी सादर केली सदाबहार 'पाऊसगाणी'

इमेज
संगमेश्वर कॉलेजच्या मराठी विभागाचा उपक्रम सोलापूर प्रतिनिधी  'श्रावणमासी हर्ष मानसी हिरवळ दाटे चोहीकडे;  क्षणात येते सरसर शिरवे क्षणात फिरूनी ऊन पडे.' या बालकवी त्र्यंबक बापूजी ठोंबरे  ओळींप्रमाणे निसर्गाची  किमया पाहताना,अनुभवताना 'सावल्या फुलांच्या, पावले ही फुलांची, वाट हळवी वेचताना, सावर रे ए मना, सावर रे सावर रे' अशा सदाबहार पाऊस गाण्यांच्या सादरीकरणांनी विद्यार्थ्यांनी पावसावरील कवितांचा पाऊस पाडला. निमित्त होते संगमेश्वर कॉलेज कनिष्ठ विभागात मराठी विभागाच्या वतीने आयोजित केलेल्या पाऊसगाणी सादरीकरणाचे. याप्रसंगी व्यासपीठावर उपप्राचार्य प्रसाद कुंटे,पर्यवेक्षक मल्लिनाथ साखरे, कला विभागप्रमुख शिवशरण दुलंगे वाणिज्य विभागप्रमुख बसय्या हणमगाव यांची उपस्थिती होती.  प्रारंभीक तांत्रिक व सादरीकरणाच्या सूचना प्रा.संतोष पवार यांनी दिल्या. प्रा.अशोक निंबर्गी यांनी मराठी विभागाच्या वतीने आयोजित केलेल्या या काव्यवाचन आणि सादरीकरण उपक्रमाची माहिती देत प्रास्ताविक केलं.उपप्राचार्य प्रसाद कुंटे यांनी कविता सादर करत  विद्यार्थ्यांना शुभेच्छा दिल्या. त्यानंतर कला वाणिज्य व विज्ञान
Read more »

ऐतिहासिक वास्तूंमधून अनुभवला सोलापूरचा ऐतिहासिक वारसा

इमेज
 संगमेश्वर कॉलेज कनिष्ठ विभागाकडून  हेरिटेज नेचर वॉकचे आयोजन कोणत्याही शहराला जाज्वल्य इतिहास असतो. सोलापूरला देखील भारतीय स्वातंत्र्यलढ्यात  एक मोठा इतिहास लाभलेला आहे  चार दिवस स्वातंत्र्यपूर्व कालखंडात  स्वातंत्र्य उपभोगलेले हे शहर १९ व्या शतकात कसे होते. हे या वास्तूतून लक्षात येते. म्हणून  जुन्या वास्तू पाहणे आणि त्यांचा इतिहास जाणून घेणे हे आपण विद्यार्थी संशोधक म्हणून अवश्य केले पाहिजे. ऐतिहासिक वास्तू मधून सोलापूरचा इतिहास आपल्याला माहीत होतो. त्यामुळे  आपण  सोलापूरातील  ऐतिहासिक वास्तूंचे दर्शन घेऊन  त्यांचा इतिहास समजावून घेतला पाहिजे.  या हेतूने  संगमेश्वर कॉलेज कनिष्ठ विभागाच्या वतीने  भूगोल आणि इतिहास  विषयाच्या विद्यार्थ्यांसाठी  हेरिटेज वॉक चे आयोजन करण्यात आले होते. सोलापूर महानगरपालिका,धनराज गिरजी हॉस्पिटल व डॉ.द्वारकानाथ कोटणीस स्मारक येथे   प्रत्यक्ष भेटीचे आयोजन करण्यात आले होते. या हेरिटेज - नेचर वाक साठी एकूण 77 विद्यार्थी सहभाग झाले होते. रात्र महाविद्यालयाच्या प्रा.सोनाली गिरी यांनी ऐतिहासिक वास्तूबद्दल  ऐतिहासिक सविस्तर माहिती सांगितले माहिती सांगितली. याप्रसंग
Read more »

युवकांनो नोकऱ्यांपेक्षा उद्योजक होण्यासाठी प्रयत्नशील राहा

इमेज
संगमेश्वर बीबीए विभागात उद्योजकता कार्यशाळेत  तज्ञांचे मत सोलापूर प्रतिनिधी  - '' नोकऱ्या शोधत बसण्यापेक्षा स्वयंप्रेरणेने   आणि अनुभवाच्या बळावर उद्योजक होण्यासाठी प्रयत्नशील राहा.   उद्योजक होण्यासाठी फक्त दृष्टी असणे गरजेचे आहे. सोबत बदलते तंत्रज्ञान , मार्केटिंगचे कौशल्य , सातत्यपूर्ण कष्ट करण्याची तयारी असेल तरच यशस्वी उद्योजक म्हणून आपण इतरांना नोकऱ्या देऊ शकतो. '' असे मत   संगमेश्वर कॉलेज व्यवस्थापनशास्त्र विभाग आयोजित उद्योजकता कार्यशाळेत   तज्ञांनी मांडले. याप्रसंगी प्र . प्राचार्य ऋतुराज बुवा , समन्वयक गौरव जुगदार आदी उपस्थित होते.                                प्राचार्य प्रा.डॉ.आर.पी.बुवा यांनी महाविद्यालयाच्या उद्योक क्षेत्रातील मान्यवर विदयार्थ्यांची उदाहरणे दिली. संगमेश्वरमधून शिक्षण घेऊन उद्योग विश्वात   कित्येक विद्यार्थी आज मितीला स्थिरावले आहेत असेही ते म्हणाले. भारताच्या समकालीन परिदृश्यात उद्योजकतेचे महत्त्व त्यांनी अधोरेखित केले. MCED चे कार्यक्रम आयोजक राम सुतार यांनी , व्यक्तींनी त्यांच्या नोकऱ्यांसोबतच व्यवसायाच्या संधी शोधण्याची गरज अधो
Read more »