Sangameshwar College ( Autonomous) ,Solapur

संगमेश्वरमध्ये स्व.प्रा.डॉ.चंद्रकांत भानुमते स्मृती व्याख्यान संचार प्रतिनिधी सोलापूर, दि. ५- शेती क्षेत्रातील आव्हानांना सामोरे जाण्यासाठी धोरणात्मक सुधारणा, संशोधन व नवोन्मेषाची गरज असल्याचे प्रतिपादन सातारा येथील कर्मवीर भाऊराव पाटील विद्यापीठाचे अधिष्ठाता प्रा. डॉ. अनिलकुमार वावरे यांनी व्यक्त केले. सोमवारी, श्री संगमेश्वर एज्युकेशन सोसायटी संचलित संगमेश्वर कॉलेज (स्वायत्त), संगमेश्वर रात्र महाविद्यालय, अर्थशास्त्र विभाग तसेच सोलापूर विद्यापीठ अर्थशास्त्र परिषद यांच्या संयुक्त विद्यमाने आयोजित स्व. प्रा. डॉ. चंद्रकांत भानुमते स्मृती व्याख्यानाचे करण्यात आले होते. त्यावेळी डॉ. वावरे बोलत होते.कार्यक्रमाच्या अध्यक्षस्थानी संस्थेचे चेअरमन धर्मराज काडादी होते. आपल्या व्याख्यानात वावरे यांनी 'भारतीय शेतीसमोरील बदलती आव्हाने' या विषयावर सखोल व अभ्यासपूर्ण मार्गदर्शन केले. भारतीय शेतीतील संरचनात्मक बदल, हवामान बदलाचा परिणाम, वाढता उत्पादन खर्च, शेतकऱ्यांचे उत्पन्न, बाजार व्यवस्थेतील अस्थिरता, कृषी घोरणे, तंत्रज्ञानाचा वापर व शाश्वत शेती यासारख्या मुद्द्यांवर त्यांनी सविस्तर विवेचन...