विद्यार्थ्यांनी सादर केली सदाबहार 'पाऊसगाणी'


संगमेश्वर कॉलेजच्या मराठी विभागाचा उपक्रम

सोलापूर प्रतिनिधी 

'श्रावणमासी हर्ष मानसी हिरवळ दाटे चोहीकडे; 

क्षणात येते सरसर शिरवे क्षणात फिरूनी ऊन पडे.' या बालकवी त्र्यंबक बापूजी ठोंबरे  ओळींप्रमाणे निसर्गाची  किमया पाहताना,अनुभवताना 'सावल्या फुलांच्या, पावले ही फुलांची, वाट हळवी वेचताना, सावर रे ए मना, सावर रे सावर रे' अशा सदाबहार पाऊस गाण्यांच्या सादरीकरणांनी विद्यार्थ्यांनी पावसावरील कवितांचा पाऊस पाडला. निमित्त होते संगमेश्वर कॉलेज कनिष्ठ विभागात मराठी विभागाच्या वतीने आयोजित केलेल्या पाऊसगाणी सादरीकरणाचे. याप्रसंगी व्यासपीठावर उपप्राचार्य प्रसाद कुंटे,पर्यवेक्षक मल्लिनाथ साखरे, कला विभागप्रमुख शिवशरण दुलंगे वाणिज्य विभागप्रमुख बसय्या हणमगाव यांची उपस्थिती होती.



 प्रारंभीक तांत्रिक व सादरीकरणाच्या सूचना प्रा.संतोष पवार यांनी दिल्या. प्रा.अशोक निंबर्गी यांनी मराठी विभागाच्या वतीने आयोजित केलेल्या या काव्यवाचन आणि सादरीकरण उपक्रमाची माहिती देत प्रास्ताविक केलं.उपप्राचार्य प्रसाद कुंटे यांनी कविता सादर करत  विद्यार्थ्यांना शुभेच्छा दिल्या.




त्यानंतर कला वाणिज्य व विज्ञान शाखेतील  विद्यार्थ्यांनी मराठी सारस्वतांच्या गाजलेल्या कविता सादर केल्या, काही विद्यार्थ्यांनी सामूहिक अभिवाचन केलं. काहींनी उत्स्फूर्त चालींवर कविता म्हटल्या.  रिमझिम पडणाऱ्या श्रावणसरी आणि पावसाळ्यातील निसर्ग विविधतेचे सार्थ वर्णन करणारे शब्दआणि गेयपूर्ण कविता ऐकताना विद्यार्थी प्राध्यापकगण चिंब पावसात भिजून निघाले.


स्पर्धेचा निकाल - स्वरदा मोहोळकर - प्रथम, अवनी अहुजा ( हिंदी) - द्वितीय विभागून, समीक्षा डोके-  द्वितीय विभागून, विराज चांदगोळी - तृतीय  ,आरती ओहाळ -चौथा क्रमांक, समर्थ खरात - पाचवा क्रमांक

प्रा.कोमल कोंडा, प्रा.रश्मी कन्नूरकर यांनी या स्पर्धेचे परीक्षण केले. प्राचार्य डॉ. राजेंद्र देसाई यांच्या हस्ते पारितोषिक वितरण झाले. या प्रसंगी बोलताना प्राचार्य म्हणाले, '' संगमेश्वरच्या व्यासपीठाचा उपयोग करून  जीवनात उत्तम असे करियर करा.''  प्रेरणादायी ग्रंथ, पुष्प देऊन विजेत्यांचा सन्मान करण्यात आला.प्रा. विश्वनाथ कक्कळमेली यांनी उत्स्फूर्त कविता सादर केल्या.कार्यक्रम यशस्वीतेसाठी कनिष्ठ महाविद्यालयातील शिक्षक,विद्यार्थी यांनी परिश्रम घेतले. प्रा.दत्तात्रय गुड्डेवाडी यांनी सूत्रसंचालन केले तर प्रा.एस. बी. निंबर्गी यांनी आभार मानले.



























टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

शालेय जीवनातील स्पर्धेतील कौशल्याने विद्यार्थ्यांचे व्यक्तिमत्व घडते डॉ. श्रीकांत माकम

इमेज
  कर्मयोगी अप्पासाहेब यांच्या जयंतीनिमित्त स्पर्धांचे बक्षीस वितरण   सोलापूर प्रतिनिधी - ''  शालेय जीवनात गणित विज्ञान आणि भाषेबरोबरच  सहशालेय उपक्रम महत्त्वाचे असतात. या भाषिक कौशल्यांचा विद्यार्थ्यांनी जाणीवपूर्वक अभ्यास केला.  त्यात नैपुण्य मिळवण्यासाठी  स्पर्धेमध्ये  सहभागी होऊन  कौशल्य दाखवले  तर नक्कीच विद्यार्थ्यांचे करिअर  उज्वल होऊ शकते.  याचे भान ठेवून  पालकांनी त्यांना प्रोत्साहित करावे. महत्त्वाचे म्हणजे आहार संतुलित ठेवावा. साऱ्या आजारांचे मूळ आपले अन्न असल्याने आहार व्यवस्थापन व्यवस्थित केले की नक्कीच सुदृढ मुले सक्षम होतील.सक्षम मुलांचे शालेय जीवनातील स्पर्धेतील कौशल्याने विद्यार्थ्यांचे व्यक्तिमत्व घडत असते.''  असे प्रतिपादन  प्रसिद्ध सर्जन  डॉ. श्रीधर माकम  यांनी केले. ते कर्मयोगी अप्पासाहेब काडादी यांच्या जयंतीनिमित्त संगमेश्वर पब्लिक स्कूल आणि दैनिक संचार यांच्या संयुक्त विद्यमाने आयोजित केलेल्या  रंगभरण, चित्रकला, वक्तृत्व, पत्र लेखन, निबंध लेखन  या विविध स्पर्धांच्या बक्षीस वित...
Read more »

संगमेश्वर ज्युनिअर कॉलेजमध्ये अकरावी विद्यार्थ्यांचे स्वागत

इमेज
अभ्यासासोबत कॉलेजच्या नावीन्यपूर्ण उपक्रमात सहभागी व्हा.                                                                                                 -   उपप्राचार्य प्रसाद कुंटे   सोलापूर ( दिनांक १५ जुलै ) " विद्यार्थ्यांनो आजपासून आपले शैक्षणिक सत्र सुरू होत आहे , त्या निमित्ताने कॉलेजकडून आपणा सर्वांचे हार्दिक स्वागत आणि मनःपूर्वक शुभेच्छा.   कला , वाणिज्य आणि विज्ञान शाखेत आपल्या अभ्यासासोबत कॉलेजच्या नाविन्यपूर्ण उपक्रमात सहभागी व्हा आणि आपलं बहुआयामी व्यक्तिमत्व तयार होण्यासाठी सज्ज व्हा. '' असे आवाहन उपप्राचार्य   प्रसाद कुंटे यांनी केले. ते कला आणि वाणिज्य शाखेच्या स्वागत समारंभ कार्यक्रमात बोलत होते. मंचावर कला शाखा समन्वयक    शिवशरण दुलंगे , वाणिज्य शाखा समन्वयक बसय्या हणमगाव उपस्थित होते. ...
Read more »

युवकांनो नोकऱ्यांपेक्षा उद्योजक होण्यासाठी प्रयत्नशील राहा

इमेज
संगमेश्वर बीबीए विभागात उद्योजकता कार्यशाळेत  तज्ञांचे मत सोलापूर प्रतिनिधी  - '' नोकऱ्या शोधत बसण्यापेक्षा स्वयंप्रेरणेने   आणि अनुभवाच्या बळावर उद्योजक होण्यासाठी प्रयत्नशील राहा.   उद्योजक होण्यासाठी फक्त दृष्टी असणे गरजेचे आहे. सोबत बदलते तंत्रज्ञान , मार्केटिंगचे कौशल्य , सातत्यपूर्ण कष्ट करण्याची तयारी असेल तरच यशस्वी उद्योजक म्हणून आपण इतरांना नोकऱ्या देऊ शकतो. '' असे मत   संगमेश्वर कॉलेज व्यवस्थापनशास्त्र विभाग आयोजित उद्योजकता कार्यशाळेत   तज्ञांनी मांडले. याप्रसंगी प्र . प्राचार्य ऋतुराज बुवा , समन्वयक गौरव जुगदार आदी उपस्थित होते.                                प्राचार्य प्रा.डॉ.आर.पी.बुवा यांनी महाविद्यालयाच्या उद्योक क्षेत्रातील मान्यवर विदयार्थ्यांची उदाहरणे दिली. संगमेश्वरमधून शिक्षण घेऊन उद्योग विश्वात   कित्येक विद्यार्थी आज मितीला स्थिरावले आहेत असेही ते म्हणाले. भारताच्या समकाली...
Read more »