आपल्या मुलांच्या क्षमता ओळखून प्रोत्साहन द्या -----बालरोगतज्ज्ञ डॉ.राजश्री मेरु


                संगमेश्वर प्री-प्रायमरी स्कूलचे वार्षिक स्नेहसंमेलन


सोलापूर प्रतिनिधी -  

''सर्व विदयार्थ्यामध्ये उत्तम क्षमता असते. विदयार्थ्याचा सर्वागिण विकास करण्यासाठी शिक्षकांना सकारात्मक दृष्टीकोन ठेवून ज्ञान दान केले पाहिजे. पालकांनी ही अट्टाहास न धरता विदयार्थ्यांच्या कलेप्रमाणे शिकू दयावे, बदलत्या तंत्राबरोबर  विद्यार्थ्यांच्या  साहित्य, कला, संगीत, क्रीडा या प्रकारातील वेगवेगळ्या क्षमता विकसित होत असतात त्या विकसित होणाऱ्या क्षमतांचा  परिचय आपल्याला  मुलांच्या शाळेच्या वयात व्हायला हवा.  त्या क्षमता ओळखूनच मुलांना आपण प्रोत्साहन दिले पाहिजे '' असा मोलाचा संदेश बालरोगतज्ज्ञ  डॉ. राजश्री मेरु यांनी दिला.संगमेश्वर प्री-प्रायमरी स्कूलचे वार्षिक स्नेहसंमेलन संगमेश्वर महाविद्यालयाच्या प्रांगणात उत्साही वातावरणात पार पडले.त्यावेळी त्या बोलता होत्या. या प्रसंगी अध्यक्षस्थानी सचिव ज्योती काडादी होत्या. यावेळी पब्लिक स्कूलचे अध्यक्ष धर्मराज काडादी, सौ. उमा काडादी, शाळा व्यवस्थापन समितीच्या सदस्य शीतल काडादी, प्राचार्य प्रियांका समुद्रे आदि मंचावर होते.

                                                       प्रारंभी पब्लिक स्कूलच्या प्राचार्या प्रियंका समुद्रे यांनी उपस्थितांचे स्वागत केले. स्वागतगीताने कार्यक्रमाची सुरुवात करण्यात आली. नर्सरी ते इयत्ता दुसरीतील सर्वोत्तम विद्यार्थ्यांना प्रशस्तिपत्र व मानचिन्ह देऊन गौरविण्यात आले तसेच शाळेतील या वर्षीच्या गुणवंत शिक्षकाचा सत्कार करण्यात आला. यावेळी  आपल्या अध्यक्षीय भाषणात सचिव ज्योती काडादी यांनी विद्यार्थ्यांच्या कलागुणांचे कौतुक केले.त्यानंतर विविध गुणदर्शनाचा कार्यक्रम संपन्न झाला. नर्सरीच्या विद्यार्थ्यांनी जंगल या थीमवर जल्लोषात नृत्य सादर केले. तर एलकेजी ते दुसरीच्या विद्यार्थ्यांनी शो मॉन ऑफ द मिलेनियम (राजकपूर) या वर नृत्य सादर करुन उपस्थितांची मने जिंकली. या प्रसंगी मंगला काडादी, तेजश्री काडादी, शरणराज काडादी, तारा व श्रेयश आळंद परिवार तसेच टायनीटॉटसच्या संचालिका चंदा पाटील व संगमेश्वर महाविद्यालयाचे उपप्राचार्य प्रसाद कुंटे आदी मान्यवर उपस्थित होते.या कार्यक्रमाचे संपूर्ण सूत्र संचालन स्कुलच्या विदयार्थ्यांनी केले. प्रास्ताविक शैलजा धुमाळ, प्रमुख अतिथींचा परिचय सुनिशा कनगी यांनी केला तर आभार मनीषा रॉय यांनी मानले.








टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

विद्यार्थ्यांनी सादर केली सदाबहार 'पाऊसगाणी'

इमेज
संगमेश्वर कॉलेजच्या मराठी विभागाचा उपक्रम सोलापूर प्रतिनिधी  'श्रावणमासी हर्ष मानसी हिरवळ दाटे चोहीकडे;  क्षणात येते सरसर शिरवे क्षणात फिरूनी ऊन पडे.' या बालकवी त्र्यंबक बापूजी ठोंबरे  ओळींप्रमाणे निसर्गाची  किमया पाहताना,अनुभवताना 'सावल्या फुलांच्या, पावले ही फुलांची, वाट हळवी वेचताना, सावर रे ए मना, सावर रे सावर रे' अशा सदाबहार पाऊस गाण्यांच्या सादरीकरणांनी विद्यार्थ्यांनी पावसावरील कवितांचा पाऊस पाडला. निमित्त होते संगमेश्वर कॉलेज कनिष्ठ विभागात मराठी विभागाच्या वतीने आयोजित केलेल्या पाऊसगाणी सादरीकरणाचे. याप्रसंगी व्यासपीठावर उपप्राचार्य प्रसाद कुंटे,पर्यवेक्षक मल्लिनाथ साखरे, कला विभागप्रमुख शिवशरण दुलंगे वाणिज्य विभागप्रमुख बसय्या हणमगाव यांची उपस्थिती होती.  प्रारंभीक तांत्रिक व सादरीकरणाच्या सूचना प्रा.संतोष पवार यांनी दिल्या. प्रा.अशोक निंबर्गी यांनी मराठी विभागाच्या वतीने आयोजित केलेल्या या काव्यवाचन आणि सादरीकरण उपक्रमाची माहिती देत प्रास्ताविक केलं.उपप्राचार्य प्रसाद कुंटे यांनी कविता सादर करत  विद्यार्थ्यांना शुभेच्छा दिल्या. त्यानंतर कला वाणिज्य व विज्ञान
Read more »

ऐतिहासिक वास्तूंमधून अनुभवला सोलापूरचा ऐतिहासिक वारसा

इमेज
 संगमेश्वर कॉलेज कनिष्ठ विभागाकडून  हेरिटेज नेचर वॉकचे आयोजन कोणत्याही शहराला जाज्वल्य इतिहास असतो. सोलापूरला देखील भारतीय स्वातंत्र्यलढ्यात  एक मोठा इतिहास लाभलेला आहे  चार दिवस स्वातंत्र्यपूर्व कालखंडात  स्वातंत्र्य उपभोगलेले हे शहर १९ व्या शतकात कसे होते. हे या वास्तूतून लक्षात येते. म्हणून  जुन्या वास्तू पाहणे आणि त्यांचा इतिहास जाणून घेणे हे आपण विद्यार्थी संशोधक म्हणून अवश्य केले पाहिजे. ऐतिहासिक वास्तू मधून सोलापूरचा इतिहास आपल्याला माहीत होतो. त्यामुळे  आपण  सोलापूरातील  ऐतिहासिक वास्तूंचे दर्शन घेऊन  त्यांचा इतिहास समजावून घेतला पाहिजे.  या हेतूने  संगमेश्वर कॉलेज कनिष्ठ विभागाच्या वतीने  भूगोल आणि इतिहास  विषयाच्या विद्यार्थ्यांसाठी  हेरिटेज वॉक चे आयोजन करण्यात आले होते. सोलापूर महानगरपालिका,धनराज गिरजी हॉस्पिटल व डॉ.द्वारकानाथ कोटणीस स्मारक येथे   प्रत्यक्ष भेटीचे आयोजन करण्यात आले होते. या हेरिटेज - नेचर वाक साठी एकूण 77 विद्यार्थी सहभाग झाले होते. रात्र महाविद्यालयाच्या प्रा.सोनाली गिरी यांनी ऐतिहासिक वास्तूबद्दल  ऐतिहासिक सविस्तर माहिती सांगितले माहिती सांगितली. याप्रसंग
Read more »

युवकांनो नोकऱ्यांपेक्षा उद्योजक होण्यासाठी प्रयत्नशील राहा

इमेज
संगमेश्वर बीबीए विभागात उद्योजकता कार्यशाळेत  तज्ञांचे मत सोलापूर प्रतिनिधी  - '' नोकऱ्या शोधत बसण्यापेक्षा स्वयंप्रेरणेने   आणि अनुभवाच्या बळावर उद्योजक होण्यासाठी प्रयत्नशील राहा.   उद्योजक होण्यासाठी फक्त दृष्टी असणे गरजेचे आहे. सोबत बदलते तंत्रज्ञान , मार्केटिंगचे कौशल्य , सातत्यपूर्ण कष्ट करण्याची तयारी असेल तरच यशस्वी उद्योजक म्हणून आपण इतरांना नोकऱ्या देऊ शकतो. '' असे मत   संगमेश्वर कॉलेज व्यवस्थापनशास्त्र विभाग आयोजित उद्योजकता कार्यशाळेत   तज्ञांनी मांडले. याप्रसंगी प्र . प्राचार्य ऋतुराज बुवा , समन्वयक गौरव जुगदार आदी उपस्थित होते.                                प्राचार्य प्रा.डॉ.आर.पी.बुवा यांनी महाविद्यालयाच्या उद्योक क्षेत्रातील मान्यवर विदयार्थ्यांची उदाहरणे दिली. संगमेश्वरमधून शिक्षण घेऊन उद्योग विश्वात   कित्येक विद्यार्थी आज मितीला स्थिरावले आहेत असेही ते म्हणाले. भारताच्या समकालीन परिदृश्यात उद्योजकतेचे महत्त्व त्यांनी अधोरेखित केले. MCED चे कार्यक्रम आयोजक राम सुतार यांनी , व्यक्तींनी त्यांच्या नोकऱ्यांसोबतच व्यवसायाच्या संधी शोधण्याची गरज अधो
Read more »