बहारदार पाऊस गाण्यांवर विद्यार्थ्यांचे सादरीकरण

 बहारदार पाऊस गाण्यांवर विद्यार्थ्यांचे सादरीकरण


 संगमेश्वर कॉलेज कनिष्ठ मराठी विभागाचा उपक्रम

  काव्यवाचन, गायनातून साहित्याची गोडी लागते.

                                                         - उपप्राचार्य  सुहास पुजारी  



सोलापूर प्रतिनिधी

'' कॉलेज जीवनात नेमून दिलेला अभ्यास करताना भाषेच्या साहित्य प्रकारांचा अभ्यास करता करता कवितेची गोडी लागते.  यमक, अलंकार याबरोबर ताल सूर जमून वाचिक  अभिनयआले की     कवितेची गोडी आपोआप लागते. त्यासाठी विद्यार्थ्यांनी प्रयत्नपूर्वक  श्रवणाचा आनंद घ्यावा लागतो.  कथा, कादंबरीचेही तसेच आहे. गोष्टीवेल्हाळ माणसांच्या गप्पा जेव्हा वाचनात येतात. तेव्हा वाचक  लेखकाच्या जडणघडणीचा आपल्या जीवनाशी संबंध लावून लावू लागतो. उत्सुकता वाढत जाते. मग उत्तम वाचनाचा प्रवास आपोआप होत जातो.''  असे मार्गदर्शन उपप्राचार्य प्रा.डॉक्टर सुहास पुजारी यांनी केले.  ते संगमेश्वर कॉलेज मराठी विभागाच्या वतीने आयोजित कनिष्ठ महाविद्यालयातील 'पाऊसगाणी' या कार्यक्रमात उद्घाटन सत्रात बोलत होते. यावेळी प्रा. अशोक निंबर्गी, डॉ.गणेश मुडेगावकर मंचावर होते.

                     प्रारंभिक भाषा संकुल समन्वयक दत्तात्रय गुड्डेवाडी यांनी  कार्यक्रमाचे प्रास्ताविक केले. त्यानंतर मान्यवरांचा सत्कार झाला. सत्कारानंतर  मराठी विभागाच्या वतीने आयोजित निबंध स्पर्धेतील विजेत्यांचा सन्मान करण्यात आला. निकाल-  १ सलोनी भीमा कांबळे  (इयत्ता - अकरावी कला शाखा) ,२ संस्कृती हनुमंत मेटकरी( इयत्ता- बारावी विज्ञान ) ,३ अथर्व विजयकुमार लिघाडे ( इयत्ता- अकरावी विज्ञान) ४ श्रेया किसन शिंदे ( इयत्ता -अकरावी विज्ञान )  ५ दिशिता सोमनाथ संगा ( बारावी कला शाखा ) ६ निकिता महादेव पुजारी ( अकरावी विज्ञान ) ७ समृद्धी दत्तात्रय माळी ( अकरावी विज्ञान )   ८  ऋग्वेद राहुल देशमुख  ( बारावी कला )   ९ साईनाथ गोरख जाधव ( बारावी  विज्ञान )  १० प्रज्ञा दिनकर वाघमारे   ( इयत्ता - अकरावी )

'पाऊस गाणी'  कार्यक्रमात स्वरचित कवितेसोबत मान्यवर कवींच्या  कवितांचे अभिवाचनही झाले . त्याचप्रमाणे विद्यार्थ्यांनी  कवयित्री इंदिरा संत,  संदीप खरे, गुरु ठाकूर यांच्यासह नव्या जुन्यांचा मेळ घालत कविता सादर केल्या.  विश्वनाथ कक्कळमेली  यांनी  'मित्र वणव्यामध्ये गारव्यासारखा' ही कविता सादर करताना विद्यार्थ्यांनी सुरात सूर मिसळले. शिवराज देसाई यांनी देखील कविता सादर केली. सूत्रसंचालन सौंदर्य पुजारी मनीषा राठोड यांनी केले तर आभार दिशिता सोमनाथ संगा यांनी मानले.



















टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

संगमेश्वर ज्युनिअर कॉलेजमध्ये अकरावी विद्यार्थ्यांचे स्वागत

इमेज
अभ्यासासोबत कॉलेजच्या नावीन्यपूर्ण उपक्रमात सहभागी व्हा.                                                                                                 -   उपप्राचार्य प्रसाद कुंटे   सोलापूर ( दिनांक १५ जुलै ) " विद्यार्थ्यांनो आजपासून आपले शैक्षणिक सत्र सुरू होत आहे , त्या निमित्ताने कॉलेजकडून आपणा सर्वांचे हार्दिक स्वागत आणि मनःपूर्वक शुभेच्छा.   कला , वाणिज्य आणि विज्ञान शाखेत आपल्या अभ्यासासोबत कॉलेजच्या नाविन्यपूर्ण उपक्रमात सहभागी व्हा आणि आपलं बहुआयामी व्यक्तिमत्व तयार होण्यासाठी सज्ज व्हा. '' असे आवाहन उपप्राचार्य   प्रसाद कुंटे यांनी केले. ते कला आणि वाणिज्य शाखेच्या स्वागत समारंभ कार्यक्रमात बोलत होते. मंचावर कला शाखा समन्वयक    शिवशरण दुलंगे , वाणिज्य शाखा समन्वयक बसय्या हणमगाव उपस्थित होते.   प्रारंभी संगमेश्वर गीत झाले. त्यानंतर विभाग प्रमुखांनी प्रास्ताविक केले. प्रास्ताविकानंतर   उपप्राचार्यांचा सत्कार झाला . त्यानंतर   चित्रफितीच्या माध्यमातून रूपाली पाटील ( वाणिज्य विभाग ) कोमल कोंडा (कला शाखा )यांनी   कॉलेजच्या विविध उपक्रमांची माहिती विभागनिहाय
Read more »

युवकांनो नोकऱ्यांपेक्षा उद्योजक होण्यासाठी प्रयत्नशील राहा

इमेज
संगमेश्वर बीबीए विभागात उद्योजकता कार्यशाळेत  तज्ञांचे मत सोलापूर प्रतिनिधी  - '' नोकऱ्या शोधत बसण्यापेक्षा स्वयंप्रेरणेने   आणि अनुभवाच्या बळावर उद्योजक होण्यासाठी प्रयत्नशील राहा.   उद्योजक होण्यासाठी फक्त दृष्टी असणे गरजेचे आहे. सोबत बदलते तंत्रज्ञान , मार्केटिंगचे कौशल्य , सातत्यपूर्ण कष्ट करण्याची तयारी असेल तरच यशस्वी उद्योजक म्हणून आपण इतरांना नोकऱ्या देऊ शकतो. '' असे मत   संगमेश्वर कॉलेज व्यवस्थापनशास्त्र विभाग आयोजित उद्योजकता कार्यशाळेत   तज्ञांनी मांडले. याप्रसंगी प्र . प्राचार्य ऋतुराज बुवा , समन्वयक गौरव जुगदार आदी उपस्थित होते.                                प्राचार्य प्रा.डॉ.आर.पी.बुवा यांनी महाविद्यालयाच्या उद्योक क्षेत्रातील मान्यवर विदयार्थ्यांची उदाहरणे दिली. संगमेश्वरमधून शिक्षण घेऊन उद्योग विश्वात   कित्येक विद्यार्थी आज मितीला स्थिरावले आहेत असेही ते म्हणाले. भारताच्या समकालीन परिदृश्यात उद्योजकतेचे महत्त्व त्यांनी अधोरेखित केले. MCED चे कार्यक्रम आयोजक राम सुतार यांनी , व्यक्तींनी त्यांच्या नोकऱ्यांसोबतच व्यवसायाच्या संधी शोधण्याची गरज अधो
Read more »

भाषिक कौशल्यातून विद्यार्थ्यांच्या व्यक्तिमत्त्वाला आकार प्राप्त होतो अश्विनी मोरे

इमेज
  संगमेश्वरच्या अभिवाचन सुलेखन स्पर्धेचा बक्षिस वितरण सोहळा संपन्न     सोलापूर प्रतिनिधी - '' विद्यार्थ्यांच्या शालेय जीवनानंतर महाविद्यालयातील वेगवेगळ्या भाषिक उपक्रमात सहभागी झाल्याने   व्यक्तिमत्त्वाला आकार प्राप्त होतो. सर्वांगण विकासात भाषा ही अभिव्यक्त होण्यासाठी सशक्त माध्यम आहे.   या माध्यमाचा आपण पुरेपूर वापर केला पाहिजे. कॉलेजमध्ये हिंदी , मराठी , कन्नड , संस्कृत , इंग्रजी या पाच भाषा   अध्ययनासाठी असल्याने बहुभाषिक वृत्तीतून आपण स्वतःला घडवू शकतो. '' असे मत सेवासदनच्या शिक्षिका , अभिवाचिका , निवेदिका अश्विनी मोरे   यांनी मांडले. त्या संगमेश्वर कॉलेज कनिष्ठ विभागाच्या भाषा संकुलातर्फे आयोजित केलेल्या   अभिवाचन व सुलेखन स्पर्धेच्या बक्षिस वितरण कार्यक्रमात   बोलत होत्या. याप्रसंगी व्यासपीठावर उपप्राचार्य प्रसाद कुंटे   उपस्थित होते. निकाल - मराठी अभिवाचन ( ९ वी १० वी गट ) प्रथम -   समृद्धी बताले   - ( बी.एफ.दमाणी प्रशाला ) द्वितीय विभागून - ( बी.एफ.दमाणी प्रशाला )श्रद्धा दुधनीकर ( सिद्धेश्वर कन्या प्रशाला   ) स्नेहा जानराव   ( (सिद्धेश्वर बालक मंदिर )  
Read more »