विद्यार्थ्यांनी अनुभवले इन सोलापूर न्यूज चॅनलचे कामकाज
डिजिटलमुळे विद्यार्थ्यांना प्रमाण मराठी शिकायला मिळते
- राजेश कुलकर्णी
सोलापूर ( दिनांक २५ जुलै )
विविध वेबसाईट्स, अ‍ॅप्स आणि व्हिडिओंच्या माध्यमातून त्यांचे भाषेचे ज्ञान वाढते, शब्दसंपत्ती समृद्ध होते आणि लेखनकौशल्य सुधारते.मराठी भाषेतील डिजिटल साधने जसे की शिक्षण अ‍ॅप्स, ऑडिओ-वाचन, व्हिडिओ शिकवण्या विद्यार्थ्यांना जड विषय सोप्या पद्धतीने शिकवतात. विशेषतः ग्रामीण भागातील मुलांना ही साधने शिक्षण अधिक समजण्याजोगे करतात.मराठी डिजिटल माध्यमांमध्ये अनेकदा लोककथा, बोधकथा, संत साहित्य, इत्यादींचा समावेश असतो, जे मुलांमध्ये नैतिक मूल्ये आणि संस्कार रुजवतात. मराठी माध्यमातून शिकताना विद्यार्थ्यांना आपल्या संस्कृतीचा परिचय अधिक चांगल्या प्रकारे होतो. पारंपरिक सण, कथा, इतिहास यांची माहिती डिजिटल माध्यमांमुळे त्यांच्यापर्यंत पोहोचते.डिजिटलमुळे विद्यार्थ्यांना प्रमाण मराठी शिकायला मिळते. असे प्रतिपादन इन सोलापूर न्यूज चॅनलचे वृत्त समन्वयक राजेश कुलकर्णी यांनी केले. ते संगमेश्वर कॉलेजच्या विद्यार्थ्यांची बोलत होते. कॉलेजच्या वतीने मराठी न्यूज चॅनल भेटीचा उपक्रम आयोजित करण्यात आला होता .याप्रसंगी अशोक निम्बर्गी,सायबण्णा निम्बर्गी,दत्तात्रय गुड्डेवाडी, संतोष पवार यांच्यासह विद्यार्थी बहुसंख्येने उपस्थित होते.
आजच्या माहितीच्या युगात माध्यमांची भूमिका अत्यंत प्रभावी ठरते. त्यातही स्थानिक न्यूज चॅनेल्स (Local News Channels) ही एक महत्त्वाची कडी ठरते, जी जनतेला त्यांच्या आजूबाजूच्या घटनांची तात्काळ व अचूक माहिती पुरवते. राष्ट्रीय किंवा आंतरराष्ट्रीय घडामोडींपेक्षा स्थानिक बातम्यांचा आपल्या दैनंदिन जीवनावर अधिक थेट परिणाम होतो. त्यामुळे स्थानिक न्यूज चॅनेलचे महत्त्व अधोरेखित होते. म्हणून या उपक्रमाचे आयोजन करण्यासाठी उपप्राचार्य प्रसाद कुंटे यांनी मार्गदर्शन केले होते.
विद्यार्थ्यांना मराठी डिजिटल माध्यम भेटीचे महत्त्व वाहिनीचे प्रमुख समाधान वाघमोडे यांनी सांगितले. ते पुढे म्हणाले '' स्थानिक न्यूज चॅनेल्स गाव, शहर, तालुका किंवा जिल्हा स्तरावरील घटनांची झपाट्याने माहिती देतात – जसे की अपघात, आपत्ती, स्थानिक राजकारण, बाजारभाव, रस्ते कामे, पाणी पुरवठा, वीजपुरवठा इत्यादी. स्थानिक समस्या – उदा. रस्त्यांची खराब अवस्था, कचऱ्याचा प्रश्न, आरोग्य सुविधा, शिक्षण संस्था यांचा उहापोह स्थानिक न्यूज चॅनेलद्वारे होतो. नागरिकांचे मुद्दे मांडले जातात व प्रशासनाचे लक्ष वेधले जाते.''
हे चॅनेल स्थानिक सण, उत्सव, लोककला, गावोगावी होणाऱ्या सांस्कृतिक कार्यक्रमांना कव्हर करतात. त्यामुळे स्थानिक संस्कृतीचे दस्तऐवजीकरण होते आणि तिची जपणूक होते. गाव, पंचायत, नगरपालिका, स्थानिक शाळा-कोलेजातील कार्यकर्ते, शिक्षक, सामाजिक कार्यकर्ते यांच्या कार्याचा गौरव व ओळख स्थानिक न्यूज चॅनेलद्वारे होते. त्यामुळे नव्या नेतृत्वाला व्यासपीठ मिळते. शेतीच्या नव्या पद्धती, बाजारभाव, हवामान अंदाज, स्थानिक उद्योग-व्यवसाय याविषयी उपयुक्त माहिती स्थानिक न्यूज चॅनेलद्वारे दिली जाते, जी ग्रामीण भागात खूप उपयुक्त ठरते. पूर, वादळ, आगी, अपघात अशा आपत्कालीन प्रसंगी स्थानिक चॅनेल तत्काळ माहिती देऊन नागरिकांना सावध करतात आणि प्रशासनाशी संपर्क साधण्यास मदत करतात.
थोडक्यात स्थानिक न्यूज चॅनेल हे केवळ बातमी देणारे माध्यम नसून, लोकशाहीचा चौथा स्तंभ म्हणून लोकांचे प्रश्न, आशा, आकांक्षा व्यक्त करणारे आणि समाजातील संवाद मजबूत करणारे प्रभावी साधन ठरते. त्यांचे योग्यरीत्या मूल्यांकन व समर्थन होणे आवश्यक आहे. असा चर्चेचा सूर संतोष पवार यांनी विद्यार्थ्यांना सांगितला. याप्रसंगी प्रत्यक्ष बातमी वाचनाचे सादरीकरण त्यांनी आणि नंदिनी हुलजंती या विद्यार्थिनींनी केले.
वृत्त समन्वय गिरीष मंगरुळे याप्रसंगी बोलताना म्हणाले , '' मराठी डिजिटल माध्यमांचा वापर करून विद्यार्थी तंत्रज्ञानाचा चांगल्या प्रकारे उपयोग करायला शिकतात. यामुळे त्यांची डिजिटल साक्षरता वाढते, जे भविष्यात उपयुक्त ठरते.मराठी डिजिटल माध्यमांची भेट विद्यार्थ्यांना केवळ ज्ञान देत नाही, तर त्यांना त्यांच्या मातृभाषेचे महत्त्व समजावते, संस्कृतीशी जोडते आणि भविष्यासाठी सक्षम बनवते. त्यामुळे मराठी डिजिटल माध्यमांची ओळख विद्यार्थ्यांना करून देणे अत्यंत आवश्यक आहे.''
विद्यार्थ्यांचे आदरातिथ्य करून योग्य माहिती मिळण्यासाठी इन सोलापूर न्यूज चॅनल परिवारातील कार्यकारी संपादक पद्माकर कावळे , चॅनल प्रमुख समाधान वाघमोडे, वृत्त समन्वयक राजेश कुलकर्णी, वृत्तसंपादक गिरीश मंगरुळे, कॅमेरामन दिनेश शिंदे, अभियांत्रिकीचे technical expert दीपक सोमा, राजू गायकवाड, बाबू चिप्पा, महेश येमूल या मान्यवरांनी सहकार्य केले
टिप्पण्या
टिप्पणी पोस्ट करा