कर्मयोगी अप्पासाहेब काडादी यांच्या ११५ व्या जयंती निमित्त राज्यस्तरीय आंतरमहाविद्यालयीन उस्फुर्त वक्तृत्व स्पर्धा
प्रतिवर्षीप्रमाणे यंदाही दैनिक संचार प्रबोधन मंच, संगमेश्वर कॉलेज (स्वायत्त) आणि कर्मयोगी अप्पासाहेब नागरी सहकारी पतसंस्था यांच्या संयुक्त विद्यमाने कर्मयोगी अप्पासाहेब काडादी यांच्या ११५ व्या जयंती निमित्त राज्यस्तरीय आंतरमहाविद्यालयीन उस्फुर्त वक्तृत्व स्पर्धा आयोजित करण्यात आली आहे.या स्पर्धेत प्रथम क्रमांकाचे बक्षीस २५०१ , द्वितीय क्रमांक १५०१ तृतीय क्रमांक १००१, चौथा क्रमांक ७५१ पाचवा,क्रमांक ५५१, सहा क्रमांक ५०१ रुपये तर उत्तेजनार्थ दोन प्रशस्तिपत्रके अशी बक्षिसे आहेत.
ही स्पर्धा महाविद्यालयातील वरिष्ठ आणि कनिष्ठ विभागातील सर्व शाखांच्या विद्यार्थी विद्यार्थ्यांसाठी खुली असून प्रत्येक महाविद्यालयास वरिष्ठ महाविद्यालयातील दोन आणि कनिष्ठ महाविद्यालयातील दोन असे चार स्पर्धक पाठवता येणार आहेत. प्रत्येक स्पर्धकास ऐन वेळेस विषय दिला जाईल. विचार करण्यासाठी विद्यार्थ्यास पाच मिनिटे वेळ दिला जाईल आणि बोलण्यास पाच मिनिटे वेळ दिला जाईल. स्पर्धकांचे प्रवेश अर्ज त्या त्या महाविद्यालयाच्या प्राचार्यांमार्फत पाठवावेत. स्पर्धकाला येण्या जाण्याची सोय,भोजन व्यवस्था स्वखर्चाने करावयाचे आहे. भाषणे मराठीतून होतील. प्रथम क्रमांकाचे पारितोषिक यापूर्वी मिळवलेल्या विजेत्यास या स्पर्धेत सहभागी होता येणार नाही. दोन किंवा त्याहून अधिक स्पर्धकास समान गुण मिळाल्यास पारितोषिक विभागून दिले जाईल असे स्पर्धा संयोजकांनी कळवले आहे.
.jpeg)
टिप्पण्या
टिप्पणी पोस्ट करा