भारताचा ७६ वा स्वातंत्र्यदिन संगमेश्वर कॉलेजमध्ये मोठ्या उत्साहात

 

 भारतीय स्वातंत्र्यदिन चिरायू होवो !

सोलापूर प्रतिनिधी 

 भारताचा ७६  वा स्वातंत्र्यदिन  संगमेश्वरमध्ये मोठ्या उत्साहात साजरा  झाला. सर्वप्रथम ९ महाराष्ट्र एनसीसी बटालियन च्या वतीने मानवंदना देण्यात आली. त्यानंतर प्राचार्य राजेंद्र देसाई यांच्या हस्ते ध्वजारोहण झाले. उपस्थितांना प्राचार्यांनी  स्वातंत्र्यदिनाच्या शुभेच्छा दिल्या.

 ध्वजारोहण कार्यक्रमानंतर नव्याने  सेवेत आलेल्या ९ महाराष्ट्र एनसीसी बटालियनच्या  जवानांचा  सत्कार करण्यात आला. याच कार्यक्रमात निवृत्त जवान आप्पासाहेब काळे आणि अण्णा निंबाळकर  यांचा सत्कार कॉलेजच्या वतीने करण्यात आला. महाविद्यालयातील वेगवेगळ्या विभागातील नवनियुक्त  अध्यापकांचे स्वागत करण्यात झाले. त्यानंतर स्वरदा मोहोळकर या विद्यार्थिनींने देशभक्तीपर गीते सादर केली. 

                         याप्रसंगी उपप्राचार्य डॉ. सुहास पुजारी ,रात्र महाविद्यालयाचे प्राचार्य श्रीनिवास गोठे, कनिष्ठ महाविद्यालयाचे उपप्रचार्य प्रसाद कुंटे,  चित्रकला महाविद्यालयाचे प्राचार्य सचिन गायकवाड, सीओईपी पुण्याचे प्रा. प्रवीण रेवणकर डॉ. अर्चना ठोसर- रेवणकर,प्राध्यापक ,  शिक्षकेतर कर्मचारी आदी उपस्थित होते.मेजर चंद्रकांत हिरतोट यांनी सूत्रसंचालन केले.