विद्यार्थ्यांना संशोधनातून स्वतःचा व्यवसाय उभारण्याची संधी - मेहुल पटेल # Alcohol Technology

 

संगमेश्वरमध्ये अल्कोहोल टेक्नॉलॉजी -प्रमाणपत्र वितरण समारंभ

सोलापूर प्रतिनिधी -डिस्टिलरी आणि ब्रुअरी उद्योगात स्पिरिट, दारू, बिअर उत्पादनात तांत्रिक अधिकारी, प्रॉडक्शन मॅनेजर, क्वालिटी कंट्रोल ऑफिसर म्हणून काम करण्याच्या उत्तम संधी आहेत. बायोफ्युअल इंडस्ट्रीमध्ये इथेनॉल, बायोगॅस, ग्रीन फ्युअल्स उत्पादन करणाऱ्या कंपन्यांमध्ये तंत्रज्ञ व संशोधक म्हणून करिअर करता येते. तर फूड व बेव्हरेज इंडस्ट्रीत सोया सॉस, व्हिनेगर, चीज, योगर्ट अशा फर्मेंटेड उत्पादनांच्या कंपन्यांमध्ये फर्मेंटेशन टेक्नॉलॉजिस्ट पद मिळू शकते.विद्यार्थ्यांसाठी अल्कोहोल टेक्नॉलॉजी क्षेत्रामध्ये करिअरच्या असंख्य संधी उपलब्ध आहेत,” असे मत वाईल्ड क्राफ्ट बेवरेज प्रा. लि., मुंबई चे संस्थापक मेहुल पटेल यांनी व्यक्त केले. संगमेश्वर कॉलेजच्या अल्कोहोल टेक्नॉलॉजी मधील विद्यार्थ्यांना प्रमाणपत्र वितरण करण्याच्या समारंभात प्रमुख पाहुणे म्हणून ते  बोलत होते. याप्रसंगी व्यासपीठावर संगमेश्वर एज्युकेशन सोसायटीचे चेअरमन धर्मराज काडादी,शैक्षणिक सल्लागार प्रा.डॉ.प्रमोद पाटील,प्राचार्य ऋतुराज बुवा  उपस्थित होते

           

चौकट

  परदेशातही मोठ्या प्रमाणात संधी आहेत. युरोप, अमेरिका, कॅनडा, ऑस्ट्रेलिया येथे Brewing Science, Biofuels, Food Fermentation या क्षेत्रात संशोधन आणि उद्योग क्षेत्रात बीएस्सी झालेल्या विद्यार्थ्यांना मोठ्या प्रमाणावर रोजगार मिळू शकतो.अल्कोहोल टेक्नॉलॉजी क्षेत्रात विद्यार्थी स्वतःचा स्टार्टअप उभारू शकतात. फळांपासून वाईन, तांदळावर आधारित पेय, महुआसारख्या पारंपरिक स्त्रोतांपासून क्राफ्ट ड्रिंक्स तसेच इथेनॉल व बायोफ्युअल निर्मिती यात उद्योजकतेची मोठी शक्यता आहे. योग्य संशोधन, गुणवत्ता व नाविन्यपूर्ण उत्पादनांमुळे जागतिक बाजारपेठेतही स्थान मिळवणे शक्य होते. असे पटेल यांनी नमूद केले.

               प्रारंभी प्राचार्य डॉ. ऋतुराज बुवा यांनी मान्यवरांचे स्वागत केले. स्वागतानंतर प्रताप सिंह गोरे - पाटील यांनी प्रास्ताविक केले प्रास्ताविक केले.अल्कोहोल अल्कोहोल टेक्नॉलॉजी क्षेत्रातील या नावीन्यपूर्ण अभ्यासक्रमाचा विद्यार्थ्यांनी आपल्या उद्योग उभारण्यासाठी उपयोग करून घ्यावा.भविष्यातील संशोधन संधी शोधाव्यात असे आवाहन केले आणि कार्यक्रमाचा हेतू स्पष्ट केला.गणेश वाघमारे,श्रीरंग शेळके,सुजाता गायगवळी या विद्यार्थ्यांनी आपले अनुभव कथन केले. विभागातील सहकारी प्रा.यजुर्वेदी,प्रा.विनोद कुमार तेली,प्रा.डॉ.महेंद्र कावळे यांचा सत्कार झाला. कुमारी बिराजदार हिने सूत्रसंचालन केले. तर रसायनशास्त्र विभागप्रमुख उद्धव मंडले यांनी सर्वांचे आभार मानले.